( شرخ )
متوارب الباب الحاجز
بين القلب
الساكن فيك....
وعنيك ..
مطروفة وبيك
الهم مكتف ليه
وسكوتك .. شرخ...
فى قلب الحلق ...
بالحق
بتنطق كل ملامحك
خايفة ..
مش عارفة ..
ازاى تتخلص...
يوم تجاعيدك
م التكشيرة
وسنان المشط الداير
جوة الراس الشايبة
بسلوك الفضة البيضة بتلمع
جوة عنيك
وبياض الوجه الشاحب
م الارهاق ..
على فجأة ..
بيجيلك ملك الموت
كالعادة
وبيفرش ليك سجادة ..
ملانة خضار ..
وعمار
القلب التايب م الأوزار
عمال بتحضر
جوة عنيك الزار
فوق راسك هم
وحلم عيالك ضاع
وفراغ الشكل
التايه ف الأوجاع
مزازيك ..
عمالة بتخبط فيك
بشويش
وشاويش
الغلب الطالع م المذياع
بيذعلك
نبأ الموت الواخد حيز
ضربات قلبك
بتميز
من نبرة صوتك
لون الموت العادى
قدام العالم كله وقفت ....
وسنين العمر
الضايع خلصت فيك....
والغيم
أهو خلى الدهر
اتكفى عليك
بيكفكف دمعك
جوة عييونك سيل
بيميل ..
الرمش العامل ضلة
وميل
ع الخد ..
الواخد جنب
وملوى يمد ..
ف خطوط الوش
العايز يضحك ..
من كل الحاصل
ليه من نفسه..
بينافسه
بحر..
وكون ..
وفضاء
ويدور ..
ف الكوكب ذاته شعور
وف قلب حياته
يغور جوه الأشواق
وايمانك يوم بمحمد
أفضل خلق الله
وسواه..
العالم كله يغور
مسرور ..
فرحان ..
ضحكات البقر
الدانماركى اللى ف وشك
ليل ونهار ..
انهض من نومك ..
فوق ..
بيسيئوا لسمعة سيد الخلق
والحق ..
الحق مطاطى الراس
مش قادر ..
اصرخ ..
قوم ..
ندد
واشجب قول لأ ..
متكتف جوه لسانك
بوق..
والطوق ..
بيحاوط كل حياتك
من ذاتك ..
تخرج ..
تتمدد..
تتحرر
وسكاتك ..
خليه يتحول رعد..
وزلازل
تكسرأنف الكفر
الواخد
حيز
جوه الكون..
علشان ما تنول
فى الأخرة
شفاعة
سيد الكون
محبوبك
(صلى الله عليه وسلم) ..
نفديه بالروح
والمال
والأهل..
ويارب يخلى
طريقك سهل..
ويا رب ...
يخلى
طريقك
سهل.....
